Á döfinni:

Næstu tónleikar Kammersveitarinnar eru lokatónleikar Myrkra músíkdaga, sunnudagskvöldið 29. janúar 2012 kl. 20 í Norðurljósasal Hörpu.

Efnisskrá:
Guðmundur Steinn Gunnarsson (f. 1982): Laur f. 13 hljóðfæraleikara- frumflutningur
Karólína Eiríksdóttir (f. 1951): Óbókonsert - frumflutningur
Haukur Tómasson (f. 1960): Catena f. 10 hljóðfæraleikara - frumflutningur nýrrar gerðar
Hafliði Hallgrímsson (f. 1941): Sonnambulo op. 42 f. kontrabassa og kammersveit - frumflutningur á Íslandi

Einleikarar: Matthías Nardeau, óbó og Nikita Naumov, kontrabassi
Bernharður Wilkinson, stjórnandi

Nánar um dagskrá Myrkra músíkdaga á www.myrkir.is
Miðasala á www.harpa.is

Á jólatónleikum Kammersveitar Reykjavíkur var boðið upp á ítalska jólaveislu.  Á efnisskrá voru jólakonsertar eftir ítölsku barokktónskáldin Corelli, Torelli og Locatelli, Concerto grosso fyrir blokkflautu og óbó eftir Scarlatti og blokkflautukonsert í F-dúr eftir Vivaldi, auk Jólasinfóníu eftir Schiassi. 

Gestir Kammersveitarinnar, semballeikarinn Claudio Ribeiro og blokkflautuleikarinn Inês d‘Avena eiga það sameiginlegt að vera bæði fædd og uppalin í Brasilíu og nú búsett og starfandi í Hollandi eftir að hafa lokið námi við barokkdeild Konunglega tónlistarháskólans í Haag.  Þau eru stofnendur  barokksveitarinnar Collegium Musicum Den Haag, sem Claudio stjórnar iðulega frá sembalnum, og saman leika þau reglulega sem hið margverðlaunaða dúó Lotus.

Önnur einleikshlutverk á jólatónleikunum voru í höndum Unu Sveinbjarnardóttur, konsertmeistara, Helgu Þóru Björgvinsdóttur, fiðluleikara og Matthíasar Nardeau, óbóleikara.

Þeim sem hafa áhuga á að fá upplýsingar um viðburði á vegum Kammersveitar Reykjavíkur er bent á að senda okkur línu á kammersveit@gmail.com eða komast í samband við okkur í gegnum facebook: http://www.facebook.com/pages/Kammersveit-Reykjavíkur/162646443830601